Апастово-информ

Апас районы

18+
Рус Тат
2024 - год Семьи
Җәмгыять

Болгарда дуңгызларда Африка чумасы табылган

Татарстанның Спас районында дуңгызлар Африка чумасы белән авыру очрагы теркәлгән. Район халкына дуңгыз ите һәм терлек азыклары алудан тыелып торырга кушылган. Бу турыда «Новая жизнь» район басмасы хәбәр итте.

Болгарда дуңгызларда Африка чумасы табылган

"Татар-информ" архивы

 

Спас районы башкарма комитеты башлыгы Валерий Осокин экстрен киңәшмә уздырган.

«Болгарда дуңгызларда Африка чумасы табылды. Шәхси хуҗалык хайваннары йогышланган. Әлеге вакытта терлекләр юк ителә, тикшерү бара», – диелә хәбәрдә.

Вирусның кайдан килүен ачыклау өчен, Казаннан комиссия килгән. Вирус кыргый хайваннардан күчкән, яки терлек азыгы белән кертелгән, дип фаразлана.

Дуңгыз асраучыларга терлекләрне ирекле йөртүгә чыгармаска, профилактика чаралары күрергә киңәш ителә.

«Терлекләрегез үлсә, үләксәләрен чыгарып ташламагыз. Ветеринария хезмәтенә мөрәҗәгать итегез. Авыру дуңгызларны махсус рәвештә юк итү каралган, юкса вирус таралачак», – диелә.

Татарстанның Спас районы халкына дуңгыз ите алудан тыелып торырга киңәш ителә. Дуңгыз асраучылар азык алмый торырга тиеш. Йогышлы чир таралган чакта ит һәм терлек азыгы сату туктатылырга тиеш, дип хәбәр итте район басмасы.

Чыганак: https://intertat.tatar/news/bolgarda-dungyzlarda-afrika-cumasy-tabylgan-5854440

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев