Дәвештә яшәүче Равил бабай Нургалиев котлаулар кабул итте

Аңа әлеге уңайдан Ил башлыгының Котлау хаты, район башлыгының Котлау открыткасы, бүләк һәм чәчәк бәйләме тапшырылды. Район хакимияте, социаль яклау идарәсе, Дәвеш авыл җирлеге исеменнән котлаулар ирештерелде.
Равил бабай гомер буе колхозда хезмәт иткән. Тырыш, намуслы, гадел хезмәте өчен “Атказанган колхозчы“ исеменә лаек булган. Бүген исә 4 улының, киленнәренең, онык-оныкчыкларының киңәшчесе ул.