Интернет-сәүдәдә Кытай тәҗрибәсе куллану - кече һәм урта эшмәкәрлекнең үсешенә ярдәм итәчәк

(24 гыйнвар, “Апастово-информ”).

12 меңгә якын Татарстан компанияләре маркетплейслар аша сәүдәдә уңышлы гына эшләп киләләр.
Республикабызның бизнес-омбудсмены, Татарстан Президентының ярдәмчесе Фәрид Абделганиев интернет-сәүдәдә Кытай тәҗрибәсен файдаланырга чакырды.
Татарстанда җитештерелүче продукцияне электрон канал аша сәүдәгә ярдәм итү сораулары буенча эшче төркемнең беренче утырышында Фәрид Абделганиев маркетплейслар аша эшнең акрын баруы хакында белдерде.
Абделганиев Кытай халык республикасында интернет-сәүдә турында кабул ителгән стратегиянең бик уңышлы якларын бездә дә файдалану - уңышка китерәчәк, дип басым ясады.