Халыкара инвалидлар көнендә “Уңайлы мохит” татар тесты үткәрелә

(2 декабрь, “Апастово-информ”).

Мөмкинлекләре чикләнгән кешеләрнең проблемалары һәм ихтыяҗлары турында халыкның хәбәрдарлык дәрәҗәсен күтәрүгә һәм бу категориядәге кешеләргә матур мөгамәлә тәэмин итүгә багышланган бу тест.
Быел хезмәт күрсәтү оешмалары вәкилләре һәм башкарма органнар вәкилләре өчен күмәк тест үткәрү белән бергә, укучылар өчен дә аерым тест оештыру каралган. Акция 3нче декабрьдә узачак. Укучылар өчен 8 сәгать 30 минутта, өлкәннәр өчен 10.00 сәгатьтә башлана.
Катнашу өчен сайтта теркәлергә кирәк. Аннан соң шәхси кабинетка хәбәр килә. Шуннан соң 3нче декабрьдә тест үтеп булачак.
Проектны Бөтенроссия милли фронты гамәлгә куйды.