Китапханә хезмәткәрләре ГТО нормативларын тапшырды

(27 октябрь, “Апастово-информ“).

Алар районның универсал спорт залында ГТО нормативларын тапшырды. 60 метрга йөгерү, урыннан озынлыкка сикерү, гәүдәне күтәрү һәм башка төрләр буенча сыналдылар.

“Китапханә хезмәткәрләре бердәм булып килде. Алар 5 этапта сынала. Мәдәният хезмәткәрләре үрнәгендә һәр оешма үзен сынап карый ала“, – диде спорт мәктәбе директоры Руслан Нургалиев.

Китапханәчеләр шат күңел белән барлык этапларны да үтте.

“Бер көнебезне сәламәт яшәү рәвешенә багышладык. Бүген барыбыз да бергә“, – диде Дәүләки авылы китапханәсе мөдире Валентина Шәйдуллина.