“Ләйсән“ балалар бакчасына юл сакчылары килгән

(17 февраль, Ләйлә Шиһабиева, “Апастово-информ“).

Балалар бу чарага ныклап әзерләнгән. Юлда йөрү кагыйдәләрен чагылдырган җырлар, шигырьләр өйрәнгәннәр. Юлда очраучы кискен хәлләрдә югалып калмаска өйрәтүче күренешләрне дә бергәләп сәхнәләштерделәр. Бу хакта бакча хезмәткәре Ләйсән Сөнгатуллина хәбәр итте.

Кичәдә районның юл хәрәкәте иминлеге дәүләт хезмәткәре Рамил Гафуров та катнашты. Ул балаларны юлда йөрү кагыйдәләре белән таныштырды.

“Киемнәрдә яктылыкны кире кайтаручы элементлар булырга тиеш. Юл аркылы чыкканда сак булыгыз. Яныгызда һәрчак өлкәннәр булсын“, – диде юл сакчысы.