Мьянмада җир тетрәү нәтиҗәсендә меңнән артык кеше һәлак булган

  РИА «Новости» хәбәр иткәнчә, 2376 кеше җәрәхәтләр алган, күп кеше хәбәрсез югалган дип санала.

Билгеле булганча, җомга көнне, 28 мартта, Мьянма территориясендә 7,7 магнитудалы җир тетрәү булган.

Соңгы мәгълүматлар буенча, илнең башкаласында җир тетрәү нәтиҗәсендә һәлак булучылар саны 5 кешегә җиткән, 117 кеше хәбәрсез югалган дип санала. Россиялеләр арасында зыян күрүчеләр турында мәгълүмат юк.

Массакүләм мәгълүмат чаралары хәбәр иткәнчә, Бангкокта (күрше Таиланд башкаласы) кимендә 10 кеше һәлак булган, 100дән артыгы хәбәрсез югалган. Җир тетрәүләр шулай ук Кытайда, Һиндстанда һәм Вьетнамда да сизелгән.

_{Чыганак:https://intertat.tatar/news/myanmada-ir-tetrau-natiasenda-mennan-artyk-kese-halak-bulgan-5871999}

_{Фото:https://ru.freepik.com/free-photo/split-ground-covered-stones-sunlight_10291855.htm#fromView=search&page=1&position=3&uuid=97cc2a64-d2b7-4b86-b958-791894be56a9&query}