Олы Бакырчы өлкәннәре республика Рәисенең бүләкләрен алды

(6 май, “Апастово-информ”).
Олы Бакырчыда китапханә, мәдәният йорты хезмәткәрләре дә авыл җирлеге башлыгы белән бергәләп, тыл ветераннарын Бөек Җиңү бәйрәме якынлашу уңаеннан котлап, республика Рәисе, район башлыгының Котлау открыткаларын һәм бүләкләрен тапшырдылар.
“Өлкәннәрнең хәлләрен сораштык, аларга җитәкчелек исеменнән җылы теләкләрне ирештердек, күңел тынычлыгы, хасиятле, бәрәкәтле гомерләр теләдек”, - дип хәбәр итәләр Олы Бакырчыдан