Пенсионерларга нинди яңа ташлама кертелә беләсезме ?
Дәүләт Думасында мираска калган торакны теркәү өчен пенсионерлардан пошлина түләттермәүне тәкъдим иткәннәр. Депутат Евгений Федоров Россия хезмәт министры Антон Котяковка шундый башлангыч белән мөрәҗәгать иткән.
Гамәлдәге закон буенча, күчемсез милеккә хокукларны теркәү өчен 2 мең сум түләргә кирәк. Пенсионерлар өчен шактый ук зур чыгым бу, дигән фикердә депутат.
“Шул сәбәпле, пенсия яшендәге кешеләрне мираска калган күчемсез милеккә хокукларын дәүләт теркәвенә алу өчен пошлина түләүдән азат итү ягыннан, салым законына үзгәрешләр кертүнең максатка ярашлы булуын бәяләвегезне сорыйм”, – дип белдергән депутат.
Аның әйтүенчә, гадәттә өлкәннәр тормыш иптәше үлгәннән соң еш кына шундый хәлдә кала.
Следите за самым важным и интересным в Telegram-каналеТатмедиа
Нет комментариев