Район мөхтәсибе Мирхәт хәзрәт Җамалиевның Гает уңаеннан котлау сүзе

Сезне чын йөрәгемнән мөселманнарның иң олы бәйрәме – Корбан гаете белән тәбрик итәм. Корбан бәйрәме – ул рухи яктан чистарыну һәм изге гамәлләр вакыты. Бу изге бәйрәм өлкәннәрне хөрмәт итәргә, мохтаҗларга ярдәм кулы сузарга, якыннарыбыз турында кайгыртырга, балаларыбызны игелекле тәрбияләргә өйрәтә.
Чалган корбаннарыбыз, гает иртәләрендә кылган догаларыбыз кабуллардан булсын, илләребез имин, дөньяларыбыз тыныч торсын.
һәркемнең күңелен игелек, канәгатьлек хисләре баетсын. Һәммәгезгә дә сәламәтлек, бәхет, иминлек телим.