Районда халык санын исәпкә алу эше бара

(18 октябрь, “Апастово-информ”).

Әлеге мөһим чара 14нче ноябрьгә кадәр дәвам итәчәк. Шулай ук 15нче октябрьдән районда исәпкә алу пунктлары эшли.
Сатламыш авыл җирлегендә 700 кеше исәпләнә. Исәпкә алучы Әминә апа Җәләлетдинова үзенә йөкләнгән эшне җиренә җиткереп башкара.
“Халык безне аңлы рәвештә кабул итә. Биргән сорауларга теләп җавап бирәләр. Бернинди дә кыенлыклар сизелми. Кешеләр үзләре дә борчыган сорауларын бирәләр, без барысын да аңлатырга тырышабыз”, - диде ул.