Районда күпкатлы йорт ишегаллары төзекләндерелә

(30 октябрь, Ләлә Сафиуллина, “Апастово-информ”).

«Безнең ишегалды» масштаблы программасын Татарстан Президенты Рөстәм Миңнеханов тәкъдим итте. Программа нигезендә, ишегаллары комплекслы төзекләндерелә, юллары асфальтлана, җәяүлеләр өчен тротуарлар төзелә, эскәмияләр һәм урналар, яктырткычлар, каты көнкүреш калдыклары өчен мәйданчыклар урнаштырыла.
Район башкарма комитеты җитәкчесенең инфраструктур үсеш буенча урынбасары Айрат Хәсәнов белдерүченчә, районда «Безнең ишегалды» программасы нигезендә 17 күпкатлы йорт ишегалдын төзекләндерү каралган. Шуның 10сы быел төзекләндерелгән. Төзекләндерү эшләре Апаста, Каратунда, Свияжный бистәсендә, Кильдураз станциясендә урнашкан күпкатлы йорт ишегалларында үткән.