Райондашлар “АК БАРС СОЗИДАНИЕ” хәйрия Фондыннан ярдәм алды

(21 октябрь, Ләлә Сафиуллина, “Апастово-информ”). 

20 августтан башлап “АК БАРС СОЗИДАНИЕ” хәйрия Фонды Татарстан Республикасында Турыдан-туры линия. Азык-төлек ярдәме 2.0” социаль мөһим проектын тормышка ашыру максатыннан акция уздыра. Әлеге акция кысаларында турыдан-туры элемтә вакытында Россия Федерациясе Президенты Владимир Путинга мөрәҗәгать итүчеләргә азык-төлек җыелмасы тапшырыла. 
“АК БАРС СОЗИДАНИЕ” хәйрия Фонды тарафыннан уздырылучы акция районда да узды. Район башкарма комитеты җитәкчесе Алмаз Тугушев Апаста яшәүче күпбалалы Рөстәм һәм Айгөл Насыйбуллиннар гаиләсенә азык-төлек җыелмасы тапшырды. “Безнең хәлебезне аңлап, ярдәм кулы сузган җитәкчеләргә гаиләм исеменнән рәхмәтемне җиткерәм”, - диде гаилә башлыгы Рөстәм Насыйбуллин. 
Кызыл-Тау авылыннан Альберт Җаббаров гаиләсе дә шундый ук ярдәмгә ия булды. Авыл җирлеге башлыгы Марат Нуриев азык-төлек җыелмасын гаилә башлыгына ирештерде.