Райондашыбыз Дамир Гобәйдуллин туган авылына изгелекләр кылып яши

(10 июнь, “Апастово-информ”).
Узган ел киң күңелле авылдашның ярдәме белән зират янәшәсендә “Исәннәрнең кадерен бел, үлгәннәрнең каберен бел” дигән мәгънәле сүзләр язылган һәйкәл торгызылган. Быел исә Рамазан аенда Дамир Гобәйдуллин үз көче белән зират капкасын яңарткан. Изге эштә аңа тормыш иптәше Резеда һәм туганнары да теләктәшлек күрсәткән.
Дамир Гобәйдуллин Апаста гомер кичерә. Озак еллар  шофер булып хезмәт итә. Үз эшен булдырып, аны уңышлы алып бара. Тормыш иптәше, озак еллар район хастаханәсендә теш табибәсе булып эшләүче Резеда да гомере буе игелекле хезмәттә. Ул һәр көнне райондашларга сәламәт, шат елмаю бүләк итә.