Россия Гадәттән тыш хәлләр министрлыгы тирәк мамыгы белән бәйле янгын куркынычы турында кисәтә һәм саклык чараларын үтәү кирәклеген искә төшерә.

Гадәттән тыш хәлләр министрлыгы янгын булдырмас өчен киңәш итә:

• Эретеп ябыштыру эшләрен башкарганда эш урыны тирәсендә тирәк мамыгы җыелмавына инанырга кирәк.

• Тирәк мамыгын яндырмаска һәм алар күпләп җыелып торган урында тәмәке төпчекләрен ташламаска киңәш итә.

•  Территорияне мамык өемнәреннән чистартырга һәм, мөмкин булганча, янгынны булдырмас өчен, аларга су сибәргә кирәк.

• Янгын чыккан очракта кичекмәстән 101 яисә 112 номерлары буенча ашыгыч хезмәтләргә хәбәр итәргә.

Шуны да истә тотарга кирәк, ут якын-тирәдәге йортларга, автомобильләргә һәм урман массивларына җиңел күчә ала, аларга зур зыян китерә, кешеләрнең тормышы һәм сәламәтлеге өчен куркыныч тудыра.

_{Чыганак:https://vk.com/tatarinformtat?w=wall-123741481_59636}