СВОда катнашучылар өчен яңалык бар

  Махсус хәрби операциядә катнашучылар елына бер тапкыр санаторий-курортта бушлай дәвалануга исәп тота алачак. Бу хакта Россия Социаль фондының Татарстан буенча бүлеге искәртә. Гаризаны Социаль фонд бүлегенең клиентлар хезмәтләрендә һәм Кү функцияле үзәкләрдә тапшырырга мөмкин. Гариза буенча тиешле карар 2 эш көне эчендә кабул ителәчәк. Санаторий-курорт ялы 3 атнага кадәр сузылачак.

  Моннан тыш Социаль фонд реабилитация чорында (25 көнгә кадәр дәвам итә) хәрбиләргә персональ ярдәм күрсәтә. Инде килеп, махсус хәрби операция ветераннарына реабилитация үзәгенә барып кайту чыгымнары компенсацияләнә.

  СВО ветераннары, беренче группа инвалидлык билгеләнгән очракта, үзләре белән озатып йөрүчене алырга мөмкин.

_{Чыганак: https://vatantat.ru/2025/02/162960/
© Ватаным Татарстан}

_{Фото:https://ru.freepik.com/free-photo/shallow-focus-shot-young-soldier-holding-bible-field_13382114.htm#fromView=search&page=1&position=42&uuid=ef00cbc7-0b46-4c84-af47-3fc9eb7f9210&query=военные}