Татарстанда “Минем Мәскәү” иҗади онлайн-конкурсы игълан ителде
Татарстан Республикасында Мәскәү көннәрен үткәрү кысаларында, Мәскәү Хөкүмәте Татарстан Республикасы Хөкүмәте ярдәме белән, безнең регионда яшәүчеләр арасында “Минем Мәскәү” дип аталган иҗади онлайн-конкурс үткәрә.
(23 сентябрь, “Апастово-информ”).
Бу конкурс Мәскәүне туристлык үзәге буларак таныту һәм башкала турында уңай фикер формалаштыру, эчке туризмны популярлаштыру, регионара хезмәттәшлекне җәелдерү максатларыннан үткәрелә.
Онлайн-конкурста 7 яшьтән 16 яшькә кадәрге балалар “Мәскәү рәсемен яса” номинациясендә, 7 яшьтән өлкәннәр “Мәскәү көннәре” - “ДниМосквы” хэштегы белән фотоконкурс номинациясендә һәм “Мәскәү тарихы”, “Дуслык күпере” номинацияләрендә катнаша алалар.
Бу конкурста, шулай ук, матбугат чаралары вәкилләре дә катнаша ала.
Конкурс 2020нче елның 21нче сентябреннән 28нче сентябренә кадәр дәвам итәчәк.
Җиңүчеләрне һәм призерларны Мәскәүгә сәяхәт көтә.
Матбугат чаралары вәкилләре арасында конкурска Татарстан республикасында Мәскәү көннәре турында репортажлар тәкъдим итеп була.
Тулырак мәгълүматлар белән www.днимосквы.рф. официаль сайтыннан танышырга мөмкин.
Следите за самым важным и интересным в Telegram-каналеТатмедиа
Нет комментариев