“ВКонтакте” социаль челтәре татар телендәге проектларга грантлар бирү өчен ярты миллион сум акча бирә

(1 октябрь, “Апастово-информ”).

“ВКонтакте” социаль челтәре татар телендәге өч төрле проектларга 500 мең сумлык грантлар таратачак.
“Без туган телдәге проектларны хупларга телибез. Татар теленнән эшне башладык. Аннан соң, бу программаны башка телләргә дә таратачакбыз”, - дип, хәбәр итә “ВКонтакте”ның Татарстандагы региональ вәкиле Диләрә Махиянова.
Мәгариф өлеше 20нче октябрьдән 10нчы ноябрьгә кадәр дәвам итәчәк.
Җиңүче булып өч проект билгеләнә. Бирелгән акчаны социаль челтәрләрдә үз проектларыңны үстерергә сарыф итәргә мөмкин.