Рәссам-бизәүче, скульптор Вячеслав Носовка - 60 яшь

Апаста яшәүче, районның танылган рәссам-бизәүче, скульпторы Вячеслав Носов 60 яшьлек юбилеен билгеләп узды. Район үзәген бизәүче бюстлар аның кулы белән ясалган. Ул барысын да җиренә җиткереп башкара. "5 ел элек район башлыгы Рәшид Заһидуллин тәкъдиме белән бюстлар ясау эшенә алындым. Тырышлыгымны күрәләр, рәхмәт, - диде ул үзе. Вячеслав Носовка олы юбилее уңаеннан һәм нәтиҗәле хезмәте өчен район башлыгының Рәхмәт хаты һәм бүләк бирелде. Аны район башлыгы урынбасары Марат Нуриев тапшырды.