Урта Балтай авылында яшәүче кадерле әниебез Гыйззәтуллина Фәүзия Әкрам кызының 14 нче апрельдә гомер бәйрәме 65 яшьлек юбилее
Сөекле әниебез! Ярый әле, әни янәшәдә син бар! Көннәребез син булганга аяз, төннәребез ай-йолдызлы якты. Салкыннарда күңел җылыңны биреп җылытасың, әйбәт киңәшләрең биреп юатасың.
Безгә, балаларыңа, дөньяның рәхәтен, тормышның михнәтен, күңелнең сафлыгын, намусның пакълыгын аңларга өйрәтүче, үз җаның аша уздырып, күкрәк сөте белән иман иңдерүче әни син! Озын гомер, тән сихәтлеге, саулык, күңелеңдәге җан җылысының нуры сүнмичә, без - балаларыңа, оныкларыңа яшәеш чыганагы булып торуыңны телибез.
Рәхмәт, әни, бу дөньяда
Булганың өчен рәхмәт.
Безне саклап, яклап торган
Кулларың өчен рәхмәт.
Ходай сиңа озын гомер,
Гомерлек шатлык бирсен.
Кайгы-хәсрәтсез тормыш,
Бәхетле картлык бирсен.
Иң изге теләкләр белән - балаларың Фәнис-Гүзәл, Фәнил-Ләйсән, Илдар-Фәния һәм оныкларың.
Нет комментариев