Казандагы “АПАС” якташлык җәмгыяте Ватанны саклаучылар көне белән тәбрик итә

Хөрмәтле ир-егетләр! Кадерле якташларыбыз!

Сезне Казандагы “АПАС” якташлык җәмгыяте Ватанны саклаучылар көне белән тәбрик итә! Бу бәйрәм һәркем өчен каһарманлык, Ватанга чиксез мәхәббәт, ныклык символы булып тора.
Без үзебезнең якташларыбызның Бөек Ватан сугышында, Әфганстанда, киеренкелек учакларында күрсәткән батырлыклары белән чиксез горурланабыз. Апас егетләре һәрвакыт кыю, үткен һәм үҗәт булдылар. Бүгенге көндә дә илебезнең матур киләчәге өчен төрле өлкәләрдә сокланырлык итеп хезмәт итәсез. Сез – туган ягыбыз Апасның мактанычы да, таянычы да!
Кадерле якташлар, тагын бер кат бәйрәм белән котлап, Сезгә һәм якыннарыгызга аяз көннәр, нык сәламәтлек, мул һәм бәхетле тормыш телибез.

Казандагы “АПАС” якташлык җәмгыяте