Корбан гаете – 9 июльдә билгеләп үтелә

Хөрмәтле райондашлар! Сезне чын күңелемнән мөселманнарның изге бәйрәме - Корбан гаете белән тәбрик итәм. Бу бөек бәйрәмнең эчтәлеге кешеләр мәнфәгатен кайгырту, аларны ярату һәм ярдәм кулы сузуга нигезләнгән. Изге Корбан бәйрәме көнендә матур ниятләребез һәм якты хыялларыбыз тормышка ашсын. Аллаһы Тәгалә әлеге бөек көндә кылган гыйбадәтләребезне, укыган барлык хәерле догаларыбызны һәм бигрәк тә чалган корбаннарыбызны кабуллардан кылсын. Гаиләләрегезгә, туганнарыгызга һәм якыннарыгызга бу дөньяда һәм ахирәттә тынычлык һәм иминлек, бәхет телим.
Мирхәт Җамалиев,
район мөхтәсибе.