ЭШЛЕ КЕШЕ – АШЛЫ КЕШЕ

Тырыш, хезмәт сөючән кеше барын да булдыра ул. Әнә бит Түбән Барышта яшәүче Әхмәтҗановлар бер оя балалар үстереп, 4 кыз һәм 1 улларына югары белем бирергә дә җай тапканнар, шул ук вакытта алар хуҗалыгында төзелеш эшләре дә тукталып торганы юк. "Терлекләр асрыйбыз, балалар үзләре дә булыша, эштән куркып тормыйлар, ни кушсак, шуны җиренә җиткереп эшлиләр, тырышып, үз көчебез белән яшибез", - ди Дания апа. Хуҗабикә 33 елдан бирле фермада сыер сава, Зөфәр абый ферма мөдире булып эшли. Быел аларның гаилә коруларына да 35 ел булган.