ОСТАНЫҢ КУЛЫ АЛТЫН

«Зөя" агрофирмасының Кече Күккүз бүлекчәсе тимерчесе Миншәһит Хәйруллин кулы аркылы үтмәгән техника бармы икән бүген?! Аңа инде 62 яшь, тик шаян теле, тиктормаслыгы һәм үз эшен ихластан яратуын бүген бик күп яшьләргә үрнәк итеп куярлык алтын куллы останың. Районда бүген-иртәгә башланачак язгы кыр эшләренә бүлекчәдә бик яхшылап әзерләнделәр, эшнең иң нәзбереге һәм җаваплысы тимерче намусында булды. "Миншәһит абый кулыннан үткән һәр тимер ышанычлы һәм озын гомерле була, әле тагын да озак итеп бергә-бергә эшләргә исәп ветераныбыз белән, - ди аның турында машина-трактор паркы мөдире Госман Вәлиев.