Тартмыйбыз, ташлыйбыз...

"Рассвет" үзәге район аграр көллияте белән берлектә "Мин тартмыйм, сезгә дә шуны киңәш итәм" дигән акция үткәрде. Бу волонтерлар хәрәкәтенең чираттагы профилактик чарасы иде. Акция Апасның үзәк урамнарында үтте. "Рассвет" үзәге белгечләре һәм яшьләр 30 райондашыбыз белән әңгәмә үткәрделәр, тәмәкенең зарары, кеше организмына ничек тәэсир итүе турында аңлаттылар. Шулай ук кешенең тәмәкегә бәйлелеген ачыклау максатыннан, бу көнне "Тартыргамы, тартмаскамы?" дигән тест та үткәрелде. Волонтерлар тәмәкене тартмаларга ташлатып, тәмәке белән дус райондашларның сулыш юлларын шарлар тутыртып тикшерделәр һәм бүләккә конфетлар бирделәр.