Апасның Ислам Насыйбуллин һәм Луговая урамнарына асфальт юл салына

(11 сентябрь, “Апастово-информ”).

“Татавтодор” оешмасы эшчеләре бүгенге көндә Ислам Насыйбуллин һәм Луговая урамнарында асфальт юл салу белән мәшгульләр. Апас ураманарына асфальт юллар салу республика күрсәткән ярдәм нигезендә, район программасы белән башкарыла.

Ислам Насыйбуллин урамында яшәүче биш бала анасы Рамилә Әхмәтҗанова әлеге вакыйгага шатлыгын белдерде.

“Бу урамда яши башлавыбызга 12 ел була. 6-7 еллар элек таш җәйгәннәр иде. Ниһаять, быел асфальт юллы да булдык. Элеккеге юлларны хәзер искә аласы да килми. Безне шулай кайгыртып, уңайлы шартлар тудырганнары өчен, район, республика җитәкчеләренә олы рәхмәт. Шуны да өстәп әйтәсе килә, урамыбызда бик күп балалар яши. Шоферлар юлларда кумыйча, сак йөрсеннәр иде”, - дип тели Рамилә.