Апасның “Салават күпере” балалар бакчасы нәниләре “Тынычлык күгәрчене – тере хәтер” акциясенә кушылды

(5 май, “Апастово-информ”).

Бөек Җиңү көнен нәниләр дә шатланып каршы ала. Апасның “Салават күпере” балалар бакчасы нәниләре бу уңайдан “Тынычлык күгәрчене – тере хәтер акциясенә” кушылдылар. Балалар Апас урамнарына чыгып, тынычлык кошы – күгәрчен рәсеме төшерелгән шарлар тараттылар, шигырьләр сөйләделәр, җырлар яңгыраттылар, Батырлар мемориал комплексында булдылар.

“Бөек Җиңү көнен көтеп алабыз. Бакчабызда бәйрәм чаралары уза. Балалар белән Бөек Җиңү бәйрәменә багышланган җырлар, шигырьләр өйрәнәбез”, - дип белдерде “Салават күпере” балалар бакчасы мөдире Гүзәлия Гәрәева.