Апаста “Ике моң” фестивале гөрләде

Апастово-информ, 7 март 2023 - 10:26

508

Район мәдәният йорты 17 нче тапкыр үзенең тугры дусларын – тамашачысын җыйды.

(7 нче март, “Апастово-информ”).

8 нче март – Халыкара хатын-кызлар көне уңаеннан “Ике моң” фестивале 17 нче тапкыр һәм үзенчәлекле булып узды.
“Быелгысын үзенчәлекле итәргә тырыштык. Сәхнә түренә җыр-моңга гашыйк җитәкчеләребезне чакырдык. 17 ел буе фестивальне карап, бәяләп барган тамашачыбызны да барлап, искә алырга булдык”, - дип таныштырды үзәкләштерелгән клублар системасы җитәкчесе Роза Нурмиева.
Шулай ук “Ике моң”ны башлап җибәргән Татарстанның атказанган мәдәният хезмәткәре Резидә Мостафинаны халык алкышларга күмде. Район мәдәният бүлеге җитәкчесе Рөстәм Мингазиев хатын-кызларны бәйрәм белән тәбрикләде һәм фестивальнең иганәчесе Илфат Шәрәфетдиновка Рәхмәт хаты тапшырды.
ИлСаф һәм Нурзадә дуеты бәйрәм чарасына ямь өстәде.