Апаста караучысыз биналарга игътибарны көчәйтү бурычы куела
Кышка кергәндә ташландык, караучысыз биналарны тагын бер карап чыгу, ялгыз яшәүчеләргә игътибарны тагын да арттыру бурычы куелды. Бу – иминлек өчен бик мөһим!
(20 ноябрь, “Апастово-информ”).
Район үзәгендә караучысыз сарайга ут кабып, янгын сүндерүчеләргә төн уртасында ялкын телләрен йөгәнләргә туры килде.
“Сарайга электр, газ кермәгән. Аның ишекләре ачык торган. Очраклы кешеләр биредә кәеф-сафа корган дигән фаразлар бар. Сарай эчендәге ике диванга, чүпрәк-чапракларга ут капкан. Ялкын телләре бинаның агач түбәсенә дә үрмәләгән. Биредә ике янгын сүндерү төркеме эшләде”, - ди янгын күзәтчелеге бүлеге хезмәткәре Илшат Шәфигуллин.
Ут-күздән сак булыгыз. Янәшәдәгеләргә игътибарны арттырсагыз иде.
Следите за самым важным и интересным в Telegram-каналеТатмедиа
Нет комментариев