Апаста Нәүрүз бәйрәме 25 мартта уза

(21 март, “Апастово-информ”).

Чара 10.00 сәгатьтә хореографик күренеш белән башланып китә.

Бәйрәм барышында район башлыгы котлавы, “Шәп сани” бәйгесенә йомгак ясау, концерт программасы, спорт уеннары каралган. Сәүдә рәтләре эшли, татлы мамык, чәй, коймак, шашлык тәкъдим ителә. Балалар өчен паровоз, карусель эшли. Төрле милләтләр гореф-гадәтләрен чагылдырган ишегаллары эшли. Спорт сөюче райондашлар гир күтәрү, кул көрәше, капчык сугышы, әтәч куып тоту, скандинавия йөреше, чүлмәк ватуда үзләрен сыный ала. 0+