Апаста район башлыгы Кубок һәм призларына көрәш ярышлары уза

(14 гыйнвар, "Апастово-информ).
Апасның универсаль спорт залына Апас, Буа, Кайбыч, Казан, Чүпрәле, Әтнә, Кама-Тамагы районнарының яшь көрәшчеләре җыелды. Алар Апас районы башлыгы Айрат Җиһаншин Кубогына һәм призлары өчен көч сынаша.Көч биреп торырга килгән якыннары да бихисап.
Район башлыгы Айрат Җиһаншин, Көрәш федерациясе башкарма директоры Марсель Таһиров , Россиянең һәм Татарстанның спорт мастеры, 1 категорияле судья Әүхәт Мөхәммәдиев  көрәшчеләргә уңышлар теләделәр.
Көрәш ярышларын көн дәвамында узачак. Җиңүчеләрне саллы бүләкләр көтә.