Апаста тагын ярыш, иртәгә дә дәвам итәчәк ул

Кызыл Армия һәм Хәрби комиссариатлар оешуның 100 еллыгы уңаеннан Апаста өстәл теннисы буенча район турниры бара. Аны район хәрби комиссариаты коллективы һәм район яшьләр эше, спорт комитеты, Апас балалар һәм яшүсмерләр спорт мәктәбе оештырды. 2 мартта үткән ярышта районның 17 тугыз еллык мәктәп командалары составында 55 яшь спортчы катнашты. Иртәгә, 3 мартта, 10.00 сәгатьтә Апас мәдәният йорты фойесында районның 9 унбер еллык мәктәп командалары өстәл теннисында көч сынашачак. Бу ярышны оештыручылар барлык җиңүчеләргә дә бүләкләр әзерләгән.(6+)

Ришат Җамалиев.