Апаста “Тоннель” вакытында автобус шоферларына беркетмә төзелгән

 
(12 май, “Апастово-информ”). 
 
ЮХИДИ хезмәткәрләре һәм полициянең участок инспекторлары катнашындагы иртәнге рейдта төп игътибар автобусларга бирелде. Шулай ук иртән юлга кузгалган барлык транспорт чаралары да тикшерелде. 
 
“Рейд вакытында 1 автобус шоферы куркынычсызлык каешын эләктермәгән өчен, 2 автобус төзек булмаган хәлдә йөргән өчен җәза алды. Бер автобусның тәрәзәләре каралтылган иде. Аларга юл хәрәкәте кагыйдәләрен үтәмәгән өчен штраф түләргә туры киләчәк”, - ди районның ЮХИДИ бүлеге җитәкчесе Румбик Гәрәев. 
 
Шоферлар арасында куркынычсызлык каешын эләктермәгән, техник карау узмаган машинада хәрәкәт итүчеләр дә бар иде. Аларга да кисәтүләр ясап, иртәдән үк кәефләрен төшерергә туры килгән.