Балтай егете Илнар

Елан елында Урта Балтай егете Илнар Гайнетдинов хәрби бурычын үтәде. Әти-әнисен, туганнарын сөендереп, хезмәтендә макталып, Яңа ел бәйрәмнәре алдыннан солдаттан кайтты ул. Илнар Ерак Көнчыгышның Уссурийск шәһәрендәге ракета гаскәрләре һәм артеллериясендә шофер булып хезмәт иткән. Әти-әнисенә командирларыннан рәхмәт хатлары да еш килеп торган.

- Тормыш мәктәбе бик әйбәт булды. Күп нәрсәне аңладым, чыныктым. Ялымны озакка сузмыйча эшкә урнашасы иде, - ди ул.

Хыялларың чынга ашсын, Илнар. Сынатма.

Гөлзада Гатауллина. Автор фотосы.