Иң-иңнәр сайланды

14 майда Апас урта мәктәбе базасында "Ел укучысы - 2012" район конкурсының ярымфинал өлеше үтте. Монда район мәктәпләренең 5-8 сыйныфларында белем алучы иң тырыш, иң акыллы 22 укучысы катнашты. Аларны белем буенча да, җыр-биюгә осталыклары, рәсем ясау сәләтләре буенча да һәм жюри әгъзалары белән булган әңгәмә буенча да сайлап алдылар. 23 майда район мәдәният йортында булачак финалда 7 укучы көч сынашачак. Алар - Апастан Айгөл Василова, Кирилл Хураськин, Каратуннан Рамия Сиразова, Азбабадан Нияз Дәүләтшин, Табар Черкененнән Павел Тихонов, Югары Ындырчыдан Алия Нәфикова, Урта Балтайдан Гөлназ Раимкулова.

Реклама