Идрәздән Шаһиевлар гаиләсе Президент янында кунакта булды
Казан Кремлендә Татарстан Республикасы Президенты Рөстәм Миңнеханов һәм аның хатыны Гөлсинә Миңнеханова иң үрнәк гаиләләр белән очрашты.
(26 август, “Апастово-информ“).
Тантанада катнашкан 48 гаилә арасында районыбыздан Шаһиевлар гаиләсе дә бар иде.
Фәнил һәм Нәргизә Шаһиевлар Идрәз авылында яши. Әлеге үрнәк гаиләдә 4 бала үсә. Фәнил “Свияга“ хуҗалыгында эшли. 3 ел рәттән “Иң яхшы механизатор“ исеменә лаек булган. Нәргизә шулай ук берләшмә ашханәсендә хезмәт итә. Аны да үз эшенең остасы буларак бәялиләр.
“Фәнил белән Нәргизә – күпбалалы, тату гаилә буларак күпләргә үрнәк. Андый гаиләләр районның горурлыгы“, – диде районның ЗАГС бүлеге җитәкчесе Розалия Насыйбуллина.
Следите за самым важным и интересным в Telegram-каналеТатмедиа
Нет комментариев