Каратунда Бөек җиңү көненә багышлап бәйрәм булды

(8 нче май, "Апастово-информ").
Тантана Россия, Татарстан, Апас районы флагын мәйданга китерү Парады белән башланып китте. Каратунлыларны район башкарма комитеты җитәкчесе Алмаз Тугушев сәламләде һәм район башлыгы Айрат Җиһаншин исеменнән котлауларын ирештерде.  
Каратун авыл җирлеге башлыгы Радик Исмәгыйлев авылдашларын Җиңү көне белән тәбрикләде.
"Хөрмәтле авылдашлар! Җиңүнең 78 нче язын каршылыйбыз. Безнең рәхәт яшәвебез өчен көрәшкән бабаларыбыз алдында баш иеп, рәхмәтебезне ирештерәбез. Киләчәгебез дә кояшлы, аяз булсын, сәламәтлектә, иминлектә яшик. Ил-көннәребез тыныч булсын!", - диде ул.
Каратун җирлеге ветераннар Советы җитәкчесе Венера Шигабиева бәйрәм белән котлап, тирән эчтәлекле шигырен бүләк итте.
Бәйрәм балаларның, өлкәннәрнең матур чыгышлары белән үрелеп барды. Һәйкәлгә чәчәкләр салдылар.