“Кем гөл ярата” бәйгесенең җиңүчеләре мәгълүм

Бер ай дәвамында матур-матур гөлләр карап хозурландык. Инде бәйгенең җиңүчеләре дә мәгълүм. Тавышлар төрле программалар ярдәмендә җыелганлыктан, нәтиҗәләрне Апас туган якны өйрәнү музее җитәкчесе Рәмис Ногманов рәислегендәге жюри комиссиясе билгеләде. Шулай итеп, I урында - Апастан Тәнзилә Нигъмәтуллина. II урында - Назлыгөл Курмакаева. III урында - Лилия Ильина. Бәйгедә катнашучы бердәнбер ир-ат Илшат Низаметдиновка да бүләк булачак. "Йолдыз" газетасына материал әзерләү өчен җиңүчеләрнең элемтәгә чыгуын сорыйбыз. Бүләкләр 16 майда "Йолдыз" призына эстафета үткән көнне биреләчәк. Телефон 21-6-66.