“Кояшкай” балалары әниләрен, дәү әниләрен тәбрикли

8 Март - Халыкара хатын-кызлар көне уңаеннан балалар бакчаларында бәйрәм чаралары үткәрелә. "Кояшкай" балалар бакчасында бәйрәм 4марттан 7сенә кадәр уздырыла. Бәйрәм чаралары берсеннән-берсе кызыклы, мавыктыргыч, тәрбияви итеп әзерләнгән. Балаларыбыз җырлыйлар, бииләр, шигырьләр сөйлиләр. Әниләр белән балалар катнашында да бәйгеләр үткәрелә. Ә иң кадерле бүләк - ул үз куллары, йөрәк җылысы белән ясалган бүләк. Барлык әти-әниләр исеменнән "Кояшкай" балалар бакчасы коллективына шундый зур хезмәтләре өчен рәхмәтебезне белдерәбез. Аларга сәламәтлек, шатлык, бәхет, эшләрендә уңышлар, сабырлык телибез.