Дәрестә – коррупциягә каршы көрәш турында

9 декабрь - Халыкара коррупциягә каршы көрәш көне уңаеннан Апас урта мәктәбенең югары категорияле тарих һәм җәмгыять укытучысы Гөлнур Насыйбуллина 9 нчы "А" класс укучылары белән ачык дәрес үткәрде. "Минем максат - укучыларны коррупция төшенчәсе белән таныштыру, иң дөрес юл, закон буенча, закон тыңлаучы гражданнар булып яшәргә, аны ихтирам итәргә кирәклеген аңлату, күңелләренә сеңдерү, үз гамәлләре өчен җавап бирүче аңлы кешеләр тәрбияләү", - диде ул. Укучылар дәрестә актив катнашып сорауларга дөрес, аңлатмалы җаваплар бирделәр. Коррупциягә каршы көрәш буенча район башлыгы ярдәмчесе Илгизәр Фәхретдинов чыгышын да кызыксынып тыңладылар, сораулар бирделәр.