Паспорт алдылар

Реклама

29 августта район хакимиятенең актлар залында үзенчәлекле бер тантана булды. Бу көнне 14 яшен тутырган яшь апаслыларга тантаналы шартларда тәүге паспорт тапшырылды. Алар район буенча 29. Район паспорт-виза хезмәте, район хакимияте вәкилләре, бу чараны оештырган Апас "Туган як" музее хезмәткәрләре һәм әти-әниләр беренче паспорт алган егет-кызларга иң изге теләкләрен юлладылар. Тантана җыр һәм чыгышлар белән аралашып барды. Соңыннан кунаклар музей белән таныштылар. Ә киләчәктә паспорт тапшыру һәр айның соңгы чәршәмбесендә музейда булачак.