“Салават күпере” бакчасында “Күңелле гаилә ярышлары” узды

(10 июль, “Апастово-информ”).

Быел спорт бәйрәме буларак, “Күңелле гаилә ярышлары” исеме астында әти-әниләр белән берлектә оештырылды.

Гаилә командалары музыкаль, иҗади, спорт бәйгеләрендә катнашып, үзләренең бар яктан сәләтләрен күрсәттеләр.

Соңыннан барлык катнашучыларга истәлекле бүләкләр, Мактау грамоталары тапшырылды.

“Ата-аналар белән балалар арасындагы мөнәсәбәтләрне һәрвакыт шулай җылы, ихтирамлы булсын. Барлык балалар тулы гаиләдә исән-сау булып, тыныч, мул тормышта яшәсен”, - ди бакча мөдире Гүзәлия Гәрәева.