Татарстанда, шул исәптән Апаста да янгыннар арткан

(11 февраль, “Апастово-информ“).

Быел Апаста 3 янгын очрагы кабатланган. Узган ел бу чорда 1 янгын очрагы булган. Янгын күзәтчелеге бүлеге җитәкчесе Илдар Вәлиев белдерде.

“1-14 гыйнвар арасында 3 янгын теркәлде. Свияжный бистәсендә машина, район үзәгендә склад, шулай ук шәхси гараж белән машина яну очраклары буенча эшләргә туры килде. Сәбәпләре – машинаның һәм электр челтәрләренең төзексезлеге“, – ди Илдар Вәлиев.

Җитәкче куркынычсызлык кагыйдәләрен төгәл үтәргә, сак һәм игътибарлы булырга өнди. Янгын чыккан очракларда 101 яки 01 номерларын җыегыз.