Туган телне белү – олы бәхет

(24 февраль, “Апастово-информ“).

Кичәдә яшь буын – аграр көллият студентлары, китапханә каршында эшләп килүче түгәрәк әгъзалары, төрле милләт вәкилләре катнашты.

Туган телебезнең байлыгын, матурлыгын төрле мәкальләр, шигырьләр, җырлар, чыгышлар белән дәлилләдек. Викториналар белән белемнәрне тагын да ныгыттык. Бу хакта китапханәче Руцилә Садриева хәбәр итте.

“Төрле милләттән булган райондашларыбыз чыгыш ясады. Кичәдә туган телгә хөрмәт тәрбияләү, милләтләр дуслыгы төшенчәләре төп максат булып торды“, – диде Руцилә Садриева.

Халыкара Туган тел көненә багышланган кичәләр барлык мәдәният йортларында, китапханәләрдә, мәктәпләрдә оештырылды.