Тутай авылында “Мөнәҗәтләр – рухи мирасыбыз” дип аталган кичә узды

(21 март, “Апастово-информ”).

Татар халкы элек-электән моңлы-җырлы халык булган. Башларына кайгы төшкәндә бәетләр, мөнәҗәтләр язган, аларны көйгә салып җырлаган, моңланган. Тутай авылы китапханәсендә дә мөнәҗәтләргә багышланган бик матур кичә узган.

“Бик җылы, рәхәт мөхиттә узды кичәбез. Башта “Әкияттә – кунакта” клубына йөрүче балалар “Сак-сок” бәетен сәхнәләштерделәр. Аннары кичәне дәвам итеп, Тутай авылы имам-хатыйбы Илфат хәзрәт тирән эчтәлекле вәгазьләр сөйләде, сорауларга җаваплар бирде. Кичәдә мөнәҗәт көйләүчеләр күп булды һәм ул күңелдә бик матур тәсирләр калдырды”, - дип хәбәр итәләр Тутай авылыннан.