Җәмгыять
Урта Балтайлылар токмачларны изге теләк теләп кисте
Мобилизациядә булган егетләргә ярдәм итү максатыннан Урта Балтай мәдәният йортында авылның уңган, тәмле куллы апалары җыелышып өй токмачы әзерләде.
(17 февраль, “Апастово-информ”).
“Бергәләп камыр басып токмач кистек. Мөнәҗәтләр дә әйттек, җырладык та. Эшебезне изге дога белән башладык, ихлас теләкләр белән токмачыбызны савытларга тутырдык”, - ди мәдәният йорты мөдире Лилия Җамалиева.
Балтайлылар токмачларны гуманитар ярдәм җыю пунктына китерде. Аллага тапшырып, барлык ярдәм чаралары белән берлектә, аларның күчтәнәче дә юлга кузгалды.
Следите за самым важным и интересным в Telegram-каналеТатмедиа
Нет комментариев