Юрий Камалтынов: "Иң мөһиме – сайлауларның канун кушканча узуы"

Сайлау уңаеннан Бердәм мәгълүмат үзәгендә ТР Дәүләт Советы рәисе урынбасары, "Бердәм Россия" фракциясенең ТР Дәүләт Советындагы җитәкчесе Юрий Камалтынов чыгыш ясады.

- Сайлау кампаниясенең финиш турысына чыктык, - дип фикерләре белән уртаклашты ул. - "Бердәм Россия" партиясеннән Татарстанда 6 меңнән артык кандидат сайлауларда катнаша. Аларның күпчелеге депутат булып сайланыр, дип ышанабыз. Праймеризлар да нәтиҗәле алым булды - бераз көтелмәгән нәтиҗәләрне күрдек, әмма үз фикерен белдерә алырлык кешеләр сайлауда катнаша. Иң мөһиме - сайлау кампаниясенең канун кушканча һәм тыныч узуы. Һәр сайлау участогында да партиядән күзәтүчеләр эшли. Әлеге сәгатькә кадәр бернинди дә канун бозу очраклары күзәтелмәде. Һәм көн дәвамында шулай булыр, дип ышанабыз.