“Урак-2012” район штабы рейдта

Агропромышленность хезмәткәрләре профсозлары район комитеты җитәкчесе Руслан Галиев бу көннәрдә басу-кырларда, ындыр табакларында даими булып, игенчеләр белән очраша.

Кырда эшләүчеләрне көнгә 3-4 тапкыр тәмле итеп ашату тәртибе белән кызыксына. "Басуларда техника һәм хезмәт куркынычсызлыгы таләпләренең катгый үтәлешен тәэмин итүгә быел аеруча җитди игътибар бирелергә тиеш", - дип саный профсоюз лидеры.

Рәсемдә: Р. Галиев Дәүләки басуында "Зөя" агрофирмасы механизаторлары Илдус Миңнуллин, Мөстәкыйм Габдрахманов, Сәгыйть Сәлахов, Фәнис Шәрәфетдинов белән әңгәмә үткәрә.