ЯШӘГӘН ҖИРЕБЕЗ, ТУГАН ТӨБӘГЕБЕЗ ГҮЗӘЛ БУЛСЫН

"Үз агачыңны утырт" акциясе кысаларында район үзәгендә 270 төп агач утыртылды. Сара Садыйкова һәм Салават Кәрим урамнарында миләш, Тау асты урамында тупыл үсентеләре утырту эшенә барлыгы 300 райондашыбыз кушылды. Район ветераннар Советы, Апас аграр көллияте коллективы бу изге эшкә аеруча зур өлеш кертте. Республикакүләм агач утырту көне уңаеннан барлык авыл җирлекләрендә һәм мәктәпләрдә дә туган төбәгебезне яшелләндерү эше башкарылды.

Чисталык икеайлыгы кысаларында җыештыру, чистарту, яшелләндерү эшләре дәвам итә. Көзге өмәләрдә барыбыз да актив катнашыйк!