Апаста «Аҗаган 2.0» хәрби-патриотик уены үтте

(14 март, “Апастово-информ”).

“Яшь армия”, Алдынгылар” хәрәкәтләре, район мәгариф бүлеге оештырган әлеге уен балаларда команда рухы, бердәмлек хисе һәм үзара ярдәмләшү тәрбияли.
Хәрби-патриотик уен барышында балалар программаның берничә төре буенча ярыштылар һәм физик әзерлек, зыян күрүчегә беренче ярдәм күрсәтү, Ватан тарихын белү буенча сыналдылар.

“Аҗаган 2.0” уенында мәктәп балалары катнашалар. Алар өч төркемдә ярыша. Кече, уртанчы һәм зурлар төркемнәре. Уртанчы һәм кечкенә төркемдәге балалар Иске Әнәле мәктәп-балалар бакчасында көч сынашты. Барлыгы 90 бала килде. Болынбалыкчы мәктәбендә зурлар төркемнәре көч сынашачак. Алар арасында 10 команда катнашырга гариза бирде. Әлеге уен балаларны спорт ягыннан да, патриотик яктан да тәрбияли. Алар хәрби әзерлек күрсәттеләр, сугышчан җырлар җырладылар, спорт ягыннан мөмкинлекләрен сынадылар, медицина, тарих буенча белемнәрен исбатладылар”, - ди “Алдынгылар хәрәкәте”нең районара кураторы Румия Идрисова.

Җиңүчеләр һәр төркемдә билгеләнәчәк. Җиңүче төркем зона турында район данын яклаячак.